"Valentinstag"

Liebi fragt nid nachem Auter,
Fragt nid, was du hesch oder bisch,
Sie chunnt liesli - so wine Fauter,
We dis Härz bereit für si isch.

Liebi, das heisst ou Vertroue,
U gmeinsam dürds Läbe gah,
Offe i d Ouge luege
U Chummer z'zweit überstah.

Liebi, die muess ou mau verzeihe,
Tuet dir der anger mau weh,
Liebi darf gar nüt beröie,
Liebi isch niemaus passé.

We dir d'Liebi begägnet,
Häb se fescht - nimm se ah,
De äs isch vom Himu gsägnet,
Dä Mönsch,wo noh liebe cha.

Für di 20 Jahr wo mir scho verhüratet si möcht i dir
ganz fescht danke säge. O weh nid au Tag d'Sunne het
gschune, beröie i doch kei einzige Tag.
I ha di fescht gärn, Muntsch!

Regine