Es Geburtstagsching

Glänzegi Ouge, viu Cherzli u Ballön,
eso Geburtstag z`ha isch doch eifach schön!
Vor 9 Jahre bisch du uf d`Ärde cho
u allne hets der Ermel iche gno!
E Lusbueb mit Schalk, vo Härze guet,
du gisch üsem Läbe Sinn u e huufe Muet.
E Tröimer wo malet die schönschte Sache
u Gschichtli verzellt wo mir alli drüber lache!
Läb immer di Troum u vergiss es nid,
dass i jedem Troum es Fünkli Wahrheit lyt!
Mir wünsche dir zu dim Wiegefescht,
Glück, Tröim u Gsundheit, vo allem ds Bescht!

Vo Härze

Mueti Päpu u Adrian