Martha Marti

06.06.1937 - 27.11.2017

Erinnerige

Vor 50 Johr heimer üs glehrt kenne
Vor 47 Johr heimer ja gseit zunenang
Es het ghudlet u gschneit a üsem Festtag
Wie a ihrem letschte Läbestag.
I üsem gmeinsame Läbe isch viu passiert
Ou mir hei vieli Chriegli usgfochte
Aber dr gsund Verstand het üs zämegha
U dä Ehechitt het gha bis zletscht.
Lideschaftlech het d`Martha ihrem Hobby gfrönet
Si het fasch Tag u Nacht glismet
U us der viele Wulle die schönschte Sache gmacht.
Im Pensioniertealter si ihre grosse Lideschaft
die verschidene Märite worde
U dert isch si mit em Dori u Nelly zäme i ihrem Elemänt ufgläbt
we usem vollgladne Ahänger e Märitstand worde isch.
Aber mit zunähmendem Alter het o das es Ändi gnoh
Si het aber witter gliesmet uf de länge Fahrte
Üses Winterdomizil in Siebebürge heimer voll chönne gniesse
Bis zu däm Missgschick mit em Sturz im März hüür
D`Martha hets sech nid chönne erhole, s`loufe het nüm wöue goh
Vollumfänglech heimer se müesse pflege u betreue
Für üs e Glücksfall, heimer di liebe Cristina chönne angaschiere
Die Zwöi hei enang richtig gärn überchoh u hei spässlet
Langsam isch aber dr Martha ihri Fröhlechkeit gschwunde
Die medizinischi Betreuig usem ärztleche Nachbarhus
Het aber d`Läbesfröid wieder echli zruggbracht
u es schmärzfreis Dasii ermöglechet
bis üsi Martha nachemene fröhleche Tag
am morge früech vom 27. Wintermonet
fridlech u ruhig igschlafe isch.
Martha mir danke dir
 
 
28.11.2017

Kontakt

Ulrich Marti
Stutzstrasse 7
3114 Wichtrach