Outo-Mechaniker-/ In oder Outo-Fachmann-/ Frou EFZ

Üse Betrieb, d'GARAGE|GASSER, Jassbach/Linden isch ländlech im Härz vom Ämmitau daheime.

Jassbach/Linden isch e Art es chlises Hochplateau mit ere höche Läbensqualität, bietet unzählegi Müglechkeite zum Sport triibe und/oder sich ds erhole.

Hech Luscht ufene Garage wo aapackt u Du Dis Härzbluet chasch ihbringe?

Mir si e SUBARU Vertretig u e Bosch Car Service Stützpunkt, flicke alli Marke u Ahtriibsarte, revidiere zum BIspiu no Getriebe, verchoufe Outo u mache aues für d'Chundezfriedeheit - jedoch zoubere chü o mir nid - Wärche bi üs isch interessant u abwächsligsriich.

Bi üs hesch e zytgmässi Entlöhnig wo Dire Bruefserfahrig wo Du mitbringsch entspricht u natürlech 5 Wuche Ferie.

Mini u Dini Arbeit gits bi üs nid, alli vo üs erledige alli Arbeite, zieh am gliiche Strick u hälfe enang. E gueti Balance zwüsche schaffe u Läbe isch die beschti Vorussetzig für d'Fröid am werche u Job. 

Du bisch jung? Bi üs chasch lehre, wachse u Di wiiterentwickle.

Du hesch scho viu Erfahrig? De chasch die gärn bi üs ihbringe u wiitergäh.

U no öppis:

Stou wegem Breufsverchehr? Das kenne mir höchschtens vom Radio.

We Du gärn schaffisch, mitdenksch u Freud a Dim Bruef hesch, de würd's üs freue, Di kenne ds lehre.

Meld Di eifach per Tel. (031 771 10 58), chum direkt verbii u lueg bi üs iche oder schick ganz e herkömmlechi Bewerbig per Mail

(garage-gasser@bluewin.ch) oder per Poscht - mir freue üs Di lehre ds kenne u ufenes unverbindlechs Gspräch.

GARAGE|GASSER

Röthenbachstrasse 19

Jassbach

3673 Linden