Trachtengruppe Biglen

Mir singe u tanze zäme zur Erhautig vo üsem Bruchtum. Dür ds Jahr us studiere mir am Mittwuch Abe abwächselnd Volkstänz u Jodellieder i u alljährlich im Februar hei mir üses Konzärt. D'Ärntedankgottesdienschte Bigle u Grosshöchstette ergänze üses Jahresprogramm. Sit 2016 singe mir zäme mit dr Trachtegruppe Grosshöchstette.  2016 hei mir o z'erscht Mau am eidgenössische Trachtechorfescht mitgmacht u hei äs "Ausgezeichnet" vo Lugano dörfe hei nä.

Wettsch o Du cho singe und tanze? Mir fröienis jederzit uf Sängerinne u Sänger i aune Stimmlage u uf Tänzerinne u Tänzer. Mir probe ab Septämber wieder wüchentlich, abwächselnd Singe u Tanze.
Äs isch o müglech, nume im Tanze oder nume im Singe cho z'häufe.

Bi Frage hiuft gärn: Barbara Aeschlimann, 079 812 16 08. Oder unger uf "Nachricht senden".