SOS Kater Lui brucht öii Hiuf

I ha nes grosses Problem; i mues ganz dringend furt vo mire liebe Bsitzere. Warum verzeut sie öich de säuber.

Itz isches äbe so, git‘s äch irgendwo öpper wo mi würd zuesech näh? Am beschte isches scho, we n'i de dr einzig wär us kener chline Ching hät. Wüu das chirmä mit „Froue🐈" wo mi äxtra reize, oder ä ifersüchtige Kater wo mi plaget, wär nüd für mi. Bi dä Ching isches haut  so das i nid gärn ha wemä mi wott umelüpfe u hämpfele.

Itz tönt‘s fasch so aus wär i ä schwirige, aber das isch überhoupt nid so.

Öppis mues i öich no säge; nid vo Bedütig, aber i wotts glych gseit ha. I bi Invalid, aber eifach ohni Ränte. Ha nume no drü Bei, was aber für mi gar kes Problem isch. Wes drufab chunnt cha n’i veiä chli secklä, aber chlättere u über öppis gumpe geit haut nümm. Es Chatzetöri isch gar kes Problem, i muess eifach inä u usä chönne wüu i ä Freigänger bi.

Auso we dir dänket, dä härzensguet Kater Lui isch ä glungligä, u bereit sit, mir es nöis Daheim z‘gäh, würd i mi trotz dr Trennig vo mire

liebe Marianne fröie u wär sehr dankbar.

Am Afang wär i a mim nöie Plätzli sicher fescht trurig u vilech chli raauig, aber aui hei z’rächt uf ihri Art z’truure. Aber wes öpper guet mit mer meint, u mi chli lat la zur Rueh cho, geit de dr Schmärz sicher o zrugg.

Itz bi n'i, oder besser gseit mir, ganz fescht uf öii Hiuf agwise. U vilecht wüsst dir o öpper, wo öpper kennt, wo mi würd zuesech näh.

Uf jedä Fau es grosses DANKE zum vorus.

Kater Lui u Marianne

Mäude chöit dir nech bi mire Marianne z'Konufinge unger dr Natelnummere:

079 422 04 45