Mir starte es nöiis Projekt - sing mit bir Trachtegruppe Biglen!

D' Trachtengruppe Biglen steut ä nöie Chor zämä und suecht Sänger u Sängerinne i jeder Stimmlag. Singsch du gärn oder würd di ds Jodlä gluschte? De bisch du bi üs genau richtig! Zämä mit üsere nöiiä Dirigäntin wei mir jodle, Nöis usprobiere, viu leerä u Fröid ha a dä einzigartige Stimmä. 

Ob Tenor , Bass oder Jodel – jung oder alt, ab 14ni si aui willkomme. Du muesch ke Profi sii: Fröid am Singe, a dr Musig und am zämä öppis schöns uf d Bei steuä stöh bi üs im Mittupunkt.

Was di bi üs erwartet:

Geselligkeit u nöii Bekanntschafte

Tradition und Bruchtum läbä u pflege

Abwächsligsrichi Probe 

Mitsinge, mitlache u zäme wachse

Schnuppersinge – chumm cho icheuege

Du chasch ganz unverbindlech verbicho, mitsinge u der nöii Chor leere kennä.

📅 Mittwoch, 4. März 2026
🕗 20:00 Uhr
📍 Sekundarschulhaus Biglen
👥 ab 14 Jahren

Mir fröiä üs uf dini Stimm!

We di no wunger nimmt, wär mir süsch so si, de lueg doch uf üsere Website www.trachtengruppe-biglen.ch verbi. Was aues so für Mythe rund um z Singä kursiere u ob die würkläch wahr si - das fingsch du uf üsem  Instagram oder Facebook Profil usä.